صرح للحب اريد ابني .... وقلعة
واشيل الحزن من كلبك .... وقلعة
احب بغداد والبصرة ..... وقلعة
واحب كلمن سكن بالناصريــــــــــــة
جروحك للشمس يا كلب .. شرهن
وليالي الضيم ما ينحمل .. شرهن
الك عمري رهنتة بعد ..شرهن
اذا حتى عمر ما ظل اليــــة
اشبدة مني وشخصك علي ..ما طال
وحبل مواصلك وياي .. ما طال
دليلي ويا الصبر بجفالك .. ما طال
مثل روح التماطل بالمنيــــــــة
تظل نجمة يا ضي العين .. بسماي
ويظل اسمك حبيب الروح .. بسماي
ما يروي العطش بجفاك .. بسماي
والعطش تروي بوصالك اليــــــــــة
يطارش هاك اخذ مكتوب .. وصلة
للاعرف عمامة منين .. واصلة
الكلب بجفاه صار اثنعش .. وصلة
وكل وصلة تطالب جيبة اليـــــــــــة
حبيبي شلون ما حبك .. و لابيك
وامك ما تحن مثلي .. ولا بيك
عساهن بية لوعاتك .. ولا بيك
واحول كل مرض منك اليــــــــة
نبيع الروح للينشد .. علينة
وثوب الحزن صدك لايك .. علينة
وحك عباس وحسين .. وعلينة
نظل ننشد عليكم للمنيـــــــــة
وحك الالف واللامين .. والهه
روحي بهوى ساهي العين .. ولهه
لها ثغر وجبين وعين .. والهه
خذ شبه البدر لو سطع ضيــــه