مناسبة عيد الحب . وحده راحت لأبو مكتبة كالتله : عندك كارت مكتوب عليه الى حبيبي الوحيد؟
كللها: إي موجود.
كالتله : انطيني 14 واحد .
- استاذ كال للطلاب:اللي يحس نفسه غبي خلي يوكف, فـ كام طالب وكف. سأله الاستاذ: انت تحس نفسك غبي؟ جاوبه الطالب:لا استاذ بس استحيت اعوفك واكف وحد
- واحد ديفيك على أبنه كله: أبني نابليون من جان بعمرك جان دائما يطلع الاول.. ابنه جاوبه:بابا و نابليون من جان بعمرك جان امبراطور.
- مدرس سأل طالب: لك ليش متأخر؟ جاوبه: أستاذ مو ابويه جان ديضرب اخويه بحذائي....!!!
- طالب ابوه يشتغل فتاح فال, فد يوم مدرس العربي سأله: ما هي ادوات النصب؟ كله عباية و لحية و سبحة101 ..!!!!
- حشاش سأل صاحبه كله: ماتشوفلي الإشارة مال السيارة تشتغل لو لا؟ فـ صاحبه باوع و كله:أي..لا....اي..لا
- جريدة بالناصرية ناشرين صورة واحد ديعبر رجال اعمى وكاتبين جواها(متى تنتهي هذه الظاهرة)
§ كردي ويه صاحبته بالكازينو..أنگطع الكهرباء..گالتله: يلله إنتهز الفرصه....گام انهزم بلا ميدفع الحساب.
§ ارهابي فتح مطعم باليابان سماه "فوتو موتو".
§ مره استاذ سأل الطلاب كلهم: شنو الحيوان اللي عيونه تضوي بالليل؟ واحد جاوبه كله: استاذ، الحمار, كله: لك لو الحمار عينه تضوي بالليل جان هسه العراق صار "لاس فيكاس".
§ زوج كال لزوجته: الحياة صايرة مثل حديقة الحيوان! كالتلة: ليش ؟ كللهه: اكوم من النوم مثل الحصان واروح اشتغل مثل الزمال وارجع بلليل الهث مثل الجلب واخرتها انام ويا هايشة.
§ الطالاباني سأل المالكي : اذا تعرف كم چكليته بجيبي انطيكياهم خمستهم.
§ مره صدام ديعاقب عزت الدوري .. كلله: روح هرول لحد ذااك الضوه الاحمر و تعال .. راح عزت و وره 5 ايام اجه كلله صدام: هاي وين صرت .. كال: سيدي مو طلع بكلايت مال تريله.
§ بوش تعجب على العراقيين شلون تنتقل الإخبار عدهم بأسرع من البرق فسال احد الجنود الأمريكيين فقال له أن العراقيين عندهم شفرة ال – "شكو ماكو" عن طريقها يقدرون يتناقلون الأخبار بسرعة عجيبة فقرر بوش أن يزور العراق ويتنكر ويلبس دشداشة وعكال وعباية وراح يم محطة توزيع الغاز وسال احد العراقيين وقال له : شكو ماكو؟ رد العراقي وقال : والله مادري بس يكولون بوش بالعراق.
§ وحده اشترت تلفون من ورا زوجها حبت اتسويله مفاجاة دخلت الحمام واتصلت بيه وقالتله : الو حياتي .. قاللها :اتصلي بعدين الهايشــه مالتي بالحمام.
§ قال لها : قد لا أكون غنياً .. ولا عندي سيارة ولا فيلا ولا مزرعة ولا شركه ولا فلوس مثل صديقي محيسن ولكني أعشقك واحبك .. فضمته ودمعت عيناها وقالت : إن كنت تحبني حقاً فعرفني على محيسن.
§ دليمي دا يعد بالانكليزي ... وان - توو - ثري - فور - فايف -استغفر الله – سكس.
§ يوم كردى وامريكي بطيارة ، الامريكى كال للكردى وين وصلتو بالتطور؟ الكردى رد كال : عمى يا تطور اححنا رجعنا لعصر اللالات، والكردي سال الامريكي : انتو وين وصلتو بالتطور؟ كاله: احنا وصلنا بالتطور اذا القمر الصناعى يعطل بالسما انصلحه ، الكردي صفن كال: ايبااااااااااااااه لعد الدرنفيس مالتكم اش طوله؟.
§ فد يوم واحد راح يسوي عمليه انتحاريه بتل أبيب طعن نفسه بخنجر ماتوا ثلاثه اسرائيليين من الضحك
§ واحد مصلاوي راح يخطب كالوله : المهر عشرة الاف كال : اشدعوة لقيتو بالفين و حامل..
§ حشاش شاف سوداني لابس دشداشة بيضة ... كله: هاي اول مرة اشوف ثلاجة ماطورها ليفوك ...
§ كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى).
_________________
عيني الحبتج مستحيل تبااوع لغيرج..........وقلبي الراادج مستحيل يتمنى غيرج............