,~{(..قصيده بدون عنوان..)}~,/::
اريد اكتب قصيده بدون عنوان
واريد اسطر حروف بلا معاني
حتى اللي يجي قاصد يشوف دموع
مايلگه دموعـــــــي ولا امـــــــــاني
لان طبعي الصمت گدام كل الناس
ومن سيوف الدهر طبعي حماني
وصدگوني وحق هذا اليوفي الدين
گمت اكتب خواطر من لســــــاني
وگمت اكتب هموم وامشي عل حسرات
وگمت اسطر تعازي بـــــــصف تــهاني
وتاليها القلم مل مني والله وراح
وبقه گلبي بلچـــــمته بس يعاني
وضل فكري غريب ويجر بس صفات
وضل يصفط بهما بـــــــــصف زماني
وتاليها شهگت بس مو شهگت الموت
شهگت ضريت رمح بصدري رماني
وضل يهمش بصدري ويحز حتى الروح
ومن كثر البچــــــي دمــــــــــــعي عماني
وعجيبه الناس لاما وگفت وياي
واقرب ناسي الي بحقده ولاني
وتاليها عرفت بهل دنيا لا ماعيش
اثاري الموت غافلــــــــكم واجاني
الگلب بيـــدك اهدمه..وانت عمره
وتصيرآ حجـــــــــــه ليه..وانت عمره
گلي الگلب شيعوفك..وانت عمره
لان بعد العمر شيضل اليه